ეკონომიკის მინისტრის, ნათია თურნავას განაცხადებით, საგანგებო მდგომარეობის დასრულებამდე ბიზნესების ამოქმედება მოსალოდნელი არაა. როგორც მინისტრმა ბრიფინგზე განმარტა, საუბარია იმ ბიზნესსაქმიანობებზე, რომელიც დროებით შეჩერებულია.

"მინდა გულახდილად მოგახსენოთ, რომ გათვალისწინებით ეპიდემიოლოგიური საფრთხეებისა და იმ ვითარებისა, როდესაც პრაქტიკულად შევდივართ ძალიან კრიტიკულ ვითარებაში და, აქედან გამომდინარე, განსაკუთრებული ზომების მიღება გვიწევს, საგანგებო ვითარების დასრულებამდე არ არის მოსალოდნელი, რომ დავიწყებთ ბიზნესების ამოქმედებას, იმ ბიზნესების, რომლებიც დროებით შეჩერდა და ახლა ემზადება ადრე თუ გვიან დაიწყოს მუშაობა", — განაცხადა თურნავამ.

მინისტრის თქმით, ერთობლივმა ინსპექციებმა 300-მდე კომპანია შეამოწმეს და დარჩენილ დროსაც ბიზნესების მონიტორინგს დაუთმობენ:

"როგორც კი მოგვეცემა შესაძლებლობა, შემაკავებელი ზომების შერბილების და კვლავ ავამოქმედოთ ეკონომიკა, ყველა იყოს ამისთვის მზად და დამატებითი დრო შ4ემოწმებისთვის აღარ დაგვჭირდეს".

რაც შეეხებათ ონლაინვაჭრობას, მინისტრი ამბობს, მათ შემოწმებას შემდეგი კვირიდან დაიწყებენ.

საგანგებო მდგომარეობის პირობებში გამონაკლისების გარდა, კომპანიებს მუშაობა ეზღუდებათ. ეკონომიკის ეტაპობრივი ამუშავებისთვის, ეკონომიკის სამინისტრომ სხვა უწყებებთან ერთად კომპანიების შემოწმება დაიწყო.

ბოლო მონაცემებით, საქართველოში კორონავირუსის 370 დადასტურებული შემთხვევაა, მათგან გამოჯანმრთელებულია 79 ადამიანი, ხოლო გარდაცვლილია 3. კარანტინის რეჟიმში 5 79 პირი რჩება, სტაციონარში მეთვალყურეობის ქვეშ კი 558 პაციენტი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: