სამხრეთ აფრიკის ჩაკეტვის შემდეგ, ლომები გზებზე გამოეფინნენ

სამხრეთ აფრიკაში ეროვნული პარკის რეინჯერი, რიჩარდ სოური ოთხშაბათს გზებზე პატრულირებდა, როდესაც შენიშნა, რომ ლომების ჯგუფი გზებზე იწვა და ეძინა. გზები, ჩვეულებრივ, ტურისტებითა და მანქანებითაა სავსე, მაგრამ პარკში, რომელიც 25 მარტიდან კორონავირუსის გამო დაკეტეს, ცხოველებმა თავისუფლება იგრძნეს.

"ისინი უმეტესად ბუჩქებში არიან, მაგრამ ახლა, როცა პარკში ადამიანები აღარ არიან, ეს ჭკვიანი ცხოველები თავისუფლებით ტკბებიან", — ამბობს სოური.

pic.twitter.com/50DtDGmHEm
— Kruger National Park (@SANParksKNP) April 13, 2020

რეინჯერის თქმით, ლომები ავტომობილების გადაადგილებას შეჩვეულები არიან, ის დასძენს, რომ ქვეითი რომ ყოფილიყო, ცხოველები მას ახლოს არ მიუშვებდნენ. აქამდე ლომები გზებზე ჩვეულებრივ ღამით გამოდიოდნენ, მაგრამ როცა თავი კვლავ მეფურად იგრძნეს, უსაფრთხო ტერიტორია დაისაკუთრეს.