დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის დირექტორის მოადგილემ კიდევ ერთხელ შეახსენა საზოგადოებას, რომ Covid-19-ის გავრცელების პრევენციისთვის დისტანცირება ოჯახშიც საჭიროა. პაატა იმნაძის განმარტებით, ოჯახის წევრები უნდა მოერიდონ იმ პირებს, ვისაც გარეთ უწევს გასვლა, წინააღმდეგ შემთხვევაში ვირუსის გავრცელების რისკი იზრდება და მსხვერპლი დიდი იქნება.

"თუ ეს არ გავითავისეთ სულ ყველამ, ცოტა ხანში, 3 კვირაში საქართველოში საშინელებას დავატრიალებთ. კიდევ ერთხელ მოგიწოდებთ სულ ყველას, დარჩით სახლში. არ წახვიდეთ არსად და მოერიდეთ ერთმანეთსაც კი. თუ ვინმე ოჯახიდან უნდა გავიდეს და დაბრუნდეს, იმათაც მოერიდეთ. ის იყოს იზოლირებული ოჯახის სხვა წევრებისაგან. ესე ვრცელდება ეს ვერაგი დაავადება, გაიგეთ ხალხნო.

ჩვენ სხვა გზა არა გვაქვს, თუ არ დავრჩებით სახლში, ჩვენ ვერ გადავრჩებით. ჩვენ გვექნება უდიდესი მსხვერპლი, ეს ყველამ უნდა გავიგოთ", — განაცხადა მან პირველი არხის ეთერში.

ბოლო მონაცემებით, საქართველოში კორონავირუსით ინფიცირებულია 306 ადამიანი, მათ შორის გამოჯანმრთელებულია 71, ხოლო გარდაცვლილია 3 ადამიანი. კარანტინის რეჟიმში 4 990 პირი რჩება, სტაციონარში მეთვალყურეობის ქვეშ კი 462.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: