დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ალერგოლოგ-იმუნოლოგი ბიძინა კულუმბეგოვი ამბობს, რომ მთავრობამ პასუხისმგებლობა უნდა აიღოს და კოლაფსის თავიდან ასაცილებლად გარეთ გასვლის უფლება მაქსიმალურად შეზღუდოს. ამ თემაზე ექიმმა რუსთავი 2-თან ისაუბრა.

ბიძინა კულუმბეგოვის თქმით, საზოგადოებას მოუწოდებენ, რომ მაქსიმალურად სახლში დარჩნენ, თუმცა როგორც ჩანს ეს ბევრისთვის არ გახდა "მნიშვნელოვანი მოწოდების საფუძველი".

"შესაბამისად, ვფიქრობ, რომ სახელმწიფომ უნდა აიღოს თავის თავზე პასუხისმგებლობა და რამდენიმე დღის თუ კვირის განმავლობაში ალბათ, სასურველია ადამიანებს გარეთ გასვლის უფლება ჰქონდეთ მხოლოდ პროდუქტების შესაძენად და აფთიაქში", — თქვა ბიძინა კულუმბეგოვმა.

ექიმის თქმით, თუ ყოველდღიურად ასობით ადამიანი დაინფიცირდება, ეს იმ კოლაფსის ტოლფასი იქნება, რომლის წინაშეც ევროპის ქვეყნები, მათ შორის იტალია და ესპანეთი აღმოჩნდნენ.

ბოლო მონაცემებით, საქართველოში კორონავირუსით ინფიცირებულია 306 ადამიანი, მათ შორის გამოჯანმრთელებულია 71, ხოლო გარდაცვლილია 3 ადამიანი. კარანტინის რეჟიმში 4 990 პირი რჩება, სტაციონარში მეთვალყურეობის ქვეშ კი 462.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: