სასულიერო პირის კორონავირუსით ინფიცირების გამო დახურულ ტაძარში სააღდგომო წირვას სხვა ტაძრის მოძღვარი ჩაატარებს. ამის შესახებ საპატიარქოს საზოგადოებასთან სამსახურის უფროსმა, მამა ანდრია ჯაღმაიძემ განაცხადა.

მისი თქმით, ტაძარში ახლა სრული კარანტინია გამოცხადებული და უახლოეს დღეებში დეზინფექცია ჩაუტარდება.

"ახლა ტაძარი არის დაკეტილი და სრული კარანტინია გამოცხადებული. ეს რამდენიმე დღე რაც დაჭირდებ დეზინფექციას დაკეტილი იქნება ტაძარი. შემდგომში სხვა ტაძრის მოძღვარი, არა ამ ტაძრის მოძღვრები, რომლებიც ახლა თვითიზოლაციაში არიან, არამედ ვინმე სხვა მოძღვარი მსახურებას შეასრულებს და აღდგომის დღესასწაულზე იქ წირვა იქნება", — განაცხადა ჯაღმაიძემ.