დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისის ინფექციურ საავადმყოფოში კორონავირუსისგან კიდევ ერთი პაციენტი გამოჯანმრთელდა. ამის შესახებ საავადმყოფოს კლინიკურმა დირექტორმა, მარინა ეზუგბაიამ განაცხადა.

მისივე თქმით, თბილისის ინფექციურ საავადმყოფოში ჯამში 45 პაციენტია განკურნებული.

"1 პაციენტთან დღეს განმეორებით უარყოფითი პასუხი მივიღეთ, 1 გაჯანმრთელებული პაციენტი დაგვემატა. ჩვენთან არის უკვე გამოჯანმრთელების 45-ე შემთხვევა, ქვეყნის მასშტაბით იქნება 68 გაჯანმრთელებული", — განაცხადა ეზუგბაიამ.

ბოლო მონაცემებით, საქართველოში კორონავირუსით ინფიცირების 266 შემთხვევა არის. დადასტურებული. აქედან გარდაცლილია 3 ადამიანი, კარანტინის რეჟიმში 4 890 პირი რჩება, ხოლო, სტაციონარში მეთვალყურეობის ქვეშ 439 პაციენტია, უცხოეთიდან სამკურნალოდ გადმოყვანილი საქართველოს მოქალაქეები — 3

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: