პარლამენტის თავმჯდომარის, არჩილ თალაკვაძის თქმით, თუ სახელმწიფოს მიერ გაცემული რეკომენდაციები და დადგენილი წესები შესრულდება, მაისიდან, სავარაუდოდ, მაისიდან შეზღუდვები ეტაპობრივად მოიხსნება. ამის შესახებ მან ბიუროს სხდომაზე განაცხადა.

მისივე თქმით, პირველი ეტაპის ეფექტურად მართვა არ არის გარანტია, რომ ვირუსის გავრცელების შემდეგი ეტაპი თავისთავად დაბალი იქნება და ამიტომ, თითოეულმა მოქალაქემ შეასრულოს ის რეკომენდაციები და წესები, რასაც ჩვენი ჯანდაცვის სამსახურები გვაძლევენ.

"რაც უფრო მეტად დავიცავთ წესებს, რაც უფრო მეტი ყურადღებას გავამახვილებთ უსაფრთხოებისთვის აუცილებელ შეზღუდვებზე, ეს არის წინაპირობა იმის, რომ მით უფრო მალე დავუბრუნდებით ცხოვრების ნორმალურ რეჟიმს. თუ ეს პირობები შესრულდება განუხრელად და ყველა მოქალაქე დავეხმარებით სამსახურებს, რომ ეფექტურად იყოს დაცული ვირუსის გავრცელების შემდეგი ეტაპიც, სადაც პიკი არის მოსალოდნელი, მაშინ ჩვენ შევძლებთ, რომ, სავარაუდოდ, მაისიდან დავიწყოთ ზომების ეტაპობრივად მოხსნა, რის საშუალებასაც მიმდინარე მონაცემები მოგვცემს", — განაცხადა თალაკვაძემ.