კათოლიკურმა სამყარომ აღდგომის ბრწყინვალე დღესასწაული 12 აპრილს იზეიმა. ამ დღეს, იტალიელმა ოპერის მომღერალმა და მსოფლიოს ერთ-ერთმა ყველაზე ცნობილმა ტენორმა, ანდრეა ბოჩელიმ მილანის საკათედრო ტაძარში იმღერა.

მუსიკა იმედისთვის — ასე ერქვა სააღდგომო კონცერტს, რომელიც ცარიელ ეკლესიაში გაიმართა და პირდაპირ ეთერში გადაიცა. კონცერტის დაწყებამდე ბოჩელიმ იტალიის მოქალაქეებს სიყვარულისა და იმედის მნიშვნელობა შეახსენა:

"დიდებული, მამაცი მილანი და იტალია ძალიან მალე კვლავ გახდება გამარჯვების მოდელი, რომლის იმედიც ყველას გვაქვს".

ბოჩელიმ კონცერტი ქრისტიანული საგალობლით, Amazing Grace-ით დაასრულა, რომელსაც დასავლურ კულტურაში ხშირად ასრულებენ დაკრძალვებზე.

ბოჩელის აკომპანიმენტი ეკლესიის ორღანისტმა, ემანუელ ვიანელმა გაუწია. ვიდეოს იუთუბზე ამ დროისთვის 25 მილიონზე მეტი ნახვა აქვ

"მე მჯერა ერთად ლოცვის ძალის. მჯერა ქრისტიანული აღდგომის, როგორც თავიდან დაბადების უნივერსალური სიმბოლოსი. ეს კი ახლა ყველაზე მეტად გვჭირდება", — განაცხადა მუსიკოსმა გასულ კვირაში.

იტალია 9 მარტიდან სრულ იზოლაციაშია. ქვეყნისთვის კორონავირუსის მიერ გამოწვეული შედეგები მსოფლიო მასშტაბით ერთ-ერთი უმძიმესი აღმოჩნდა. დღევანდელი მონაცემებით, იტალიაში COVID-19-ის ჯამში 156 363 შემთხვევაა დადასტურებული, მათგან გარდაცვლილია 19 899 ინფიცირებული, ხოლო გამოჯანმრთელებულია 34 211 ადამიანი.

ამავე თემაზე: