დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის, ეკატერინე ტიკარაძის თქმით, კორონავირუსზე ტესტირება ჯარში და პოლიციაში, ასევე ექიმებში გრძელდება. მისი განმარტებით, ჟურნალისტები რისკჯგუფში ჯერ არ შედიან. ამ თემაზე ტიკრაძემ მთავრობის ბრიფინგზე ისაუბრა.

"ამ ეტაპზე სოციალური დისტანცირება ჟურნალისტებთან საკმაოდ კარგად მიმდინარეობს, აქედან გამომდინარე ისინი ამ ჯგუფში არ მოიაზრებიან, თუმცა საჭიროების შემთხვევაში ჩვენ ამ შემთხვევებსაც განვიხილავთ. ჯარში და პოლიციაში ტესტირება, თერმოსკრინინგი და დაკვირვება მუდმივად მიმდინარეობს და ისევე როგორც ექიმებში", — თქვა ეკატერინე ტიკარაძემ.

მინისტრმა ბრიფინგზე, ასევე, აღნიშნა, რომ საჭიროების შემთხვევაში ქვეყანაში საველე ჰოსპიტალები სხვადასხვა რეგიონში განთავსდება. ტიკარაძის თქმით, შედარებით სუსტი რეგიონების გასაძლიერებლად ადგილზე საველე ჰოსპიტალებით მოხდება, საჭიროების შემთხვევაში კი პაციენტებს მეზობელი რეგიონების საავადმყოფოებში გადაიყვანენ.

ბოლო მონაცემებით, საქართველოში კორონავირუსით ინფიცირების 230 შემთხვევაა დადასტურებული. აქედან გარდაცვლილია 3 ადამიანი, გამოჯანმრთელებულია 54.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: