დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

პირველი საუნივერსიტეტო კლინიკის დირექტორის, ლევან რატიანის თქმით, მარნეულიდან შეყვანილი კრიტიკული პაციენტი გამოჯანმრთელდა და რამდენიმე საათში კლინიკას კორონავირუსის გარეშე დატოვებს.

რატიანის განცხადებით, მათ კლინიკაში მყოფ 2 პაციენტზე დღეს კოვიდინფექციაზე უარყოფითი დასკვნა მოვიდა და რამდენიმე საათში გაწერენ.

მისივე თქმით, ამ ეტაპზე კლინიკაში 55 პაციენტი არის. მათ შორის 7 რეანიმაციაშია მოთავსებული. საიდანაც 3 ფილტვის ხელოვნურ ვენტილაციაზეა, დანარჩენების მდგომარეობა კი სტაბილურია.

"ასევე, გვყავს 3 მოზარდი, მათი მდგომარეობა ამ ეტაპამდე სტაბილურია და არანაირ სიმპტომურ ჩარევას არ საჭიროებენ. ასევე გვყავს, ორი ორსული, 24 და 8 კვირის, მათი მდგომარეობა სტაბილურია", — განაცხადა რატიანმა

ბოლო მონაცემებით, საქართველოში კორონავირუსით ინფიცირების 230 შემთხვევაა დადასტურებული. აქედან გარდაცვლილია 3 ადამიანი, გამოჯანმრთელებულია 54.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: