ესპანეთში კორონავირუსით გარდაცვლილთა რაოდენობამ 15 000-ს გადააჭარბა. ამის შესახებ ინფორმაციას CNN ესპანეთში ჯანდაცვის მინისტრზე დაყრდნობით ავრცელებს.

ესპანეთის ჯანდაცვის მინისტრის მონაცემებით, ქვეყანაში გარდაცვლილთა რიცხვი 15 238-ია, ერთ დღეში გარდაცვლილთა რაოდენობამ კი წინა ორ დღესთან შედარებით იკლო. ბოლო 24 საათში ქვეყანაში 683 ადამიანი გარდაიცვალა, რაც 74 ნაკლებია ოთხშაბათს დაფიქსირებულ შედეგთან. ხუთშაბათს გარდაცვლილთა რაოდენობის ზრდის ტემპი 4,7% იყო, ოთხშაბათს კი 5,5%.

დადასტურებული შემთხვევების რაოდენობა 929-ით გაიზარდა და 85 043 შეადგინა. ოთხშაბათთან შედარებით ეს 1,1%-იანი ზრდაა. ესპანეთში ვირუსისგან ჯამში 52 165 ადამიანი გამოჯანმრთელდა.

ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად 11 მარტს გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ: