რომის პაპი ფრანცისკეს მოსაზრებით, კორონავირუსის პანდემია შესაძლოა, "ბუნების პასუხია", რადგან ადამიანები ეკოლოგიურ პრობლემებს ყურადღებას არ აქცევენე. როგორც CNN წერს, ამის შესახებ პაპმა გამოცემა The Tablet and Commonwealth-თან ისაუბრა.

"ჩვენ რეაქცია არ გვქონია ცალკეულ კატასტროფებზე. ვინ საუბრობს ახლა ავსტრალიის ხანძრებზე ან ვის ახსოვს, რომ 18 თვის წინ ნავს ჩრდილოეთ პოლუსის გადალახვა შეეძლო, რადგან მყინვარები დადნა? ვინ საუბრობს ახლა დატბორვებზე. მე არ ვიცი, არის თუ არა ეს ბუნების შურისძიება, მაგრამ ეს ნამდვილად ბუნების პასუხია", — აღნიშნა მან.

გარდა ამისა, პაპმა კრიტიკა გამოთქვა ეპიდემიაზე რეაქციის გამო. მისი თქმით, უსახლკაროები კარანტინში სასტუმროებში უნდა მოათავსონ და არა მანქანის სადგომებზე:

"რამდენი დღის წინ ლას-ვეგასის ავტოსადგურის ფოტო გავრცელდა, სადაც უსახლკაროები განათავსეს. სასტუმროები ცარიელი იყო, თუმცა უსახლკაროებს იქ შესვლა არ შეუძლიათ. ეს უპოვრების დანახვის მომენტია".

კორონავირუსის პანდემიის გამო პაპმა ღვთისმსახურების წესების შეცვალა. 5 აპრილს, ბზობას პაპმა ფრანცისკემ საზეიმო ღვთისმსახურება წმ. პეტრეს ცარიელ ტაძარში აღავლინა. როგორც ვატიკანში აცხადებენ, 83 წლის პონტიფიკი დისტანცირებულია ყველასგან, ვისაც შეიძლება, ვირუსი ჰქონდეს და ყველა შეხვედრის დროს სადეზინფექციო საშუალებებს იყენებს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ: