8 აპრილის მდგომარეობით მსოფლიოში:

• დადასტურებული შემთხვევა — 1 495 051;
• გარდაცვლილი — 87 469;
• გამოჯანმრთელებული — 317 640.

საქართველოში:

• დადასტურებული შემთხვევა — 211;
• გამოჯანმრთელებული — 50;
• გარდაცვლილი — 3;
• კარანტინის რეჟიმში — 4 559;
• სტაციონარში მეთვალყურეობის ქვეშ — 353.

დღის ფაქტი

ჩინეთის ქალაქ უხანში, საიდანაც ახალი კორონავირუსის გავრცელება დაიწყო, 76-დღიანი კარანტინი დასრულდა. 23 იანვრის შემდეგ პირველად ყველას, ვისაც ჯანმრთელობის აპლიკაციაში "მწვანე" კოდი აქვს, შეუძლია სახლი დატოვოს.

დღის ფოტო: ექიმები ტიანეს აეროპორტში ერთმანეთს ემშვიდობებიან

ნახეთ მეტი ფოტო: უხანში კარანტინი დასრულდა — ქალაქი ჩვეულ ცხოვრებას უბრუნდება

რა ხდება მსოფლიოში

• აშშ-ში ერთ დღეში, 7 მარტს კორონავირუსით 1 736 ადამიანი დაიღუპა, გარდაცვლილთა საერთო რიცხვი კი 13 800-ზე მეტია. ჯონ ჰოპკინსის უნივერსიტეტის მონაცემებით, აშშ-ს მსოფლიოში ყველაზე მეტი ინფიცირებული ჰყავს. გლობალურად ამ რიცხვმა 1,4 მილიონს გადააჭარბა;
• COVID-19-ის შედეგებთან გასამკლავებლად ტვიტერის დამფუძნებელი და დირექტორი ჯეკ დორსი მსოფლიოს მილიარდი დოლარით დაეხმარება. თანხა მან Square Inc.-ის კაპიტალიდან მოიძია და შესაბამის ორგანიზაციაში უკვე გადარიცხა;
• ირანში ბოლო 24 საათში კორონავირუსით 121 ადამიანი გარდაიცვალა და ჯამში გარდაცვლილთა რაოდენობა 4 003 გახდა;

• ევროპარლამენტის ბრიუსელის შენობის ნაწილი უსახლკაროებს დაეთმობათ. მათ სამზარეულოში ყოველდღიურად 1 000 ადამიანისთვის სადილი მომზადდება, მათ შორის, ჯანდაცვის სფეროს წარმომადგენლებისთვისაც;

• აშშ-ის პრეზიდენტი დონალდ ტრამპი აცხადებს, რომ ჯანდაცვის მსოფლიო ორგანიზაციის დაფინანსების საკითხს გადახედავს. ტრამპის თქმით, ორგანიზაციამ შეცდომები დაუშვა და მათ ადანაშაულებს, რომ კორონავირუსის მიმართ საკმარისად "აგრესიულები" არ იყვნენ. კიდევ ერთი საკითხი, რამაც ტრამპის უკმაყოფილება გამოიწვია, მისი აზრით, ჯანმრთელობის მსოფლიო ორგანიზაციის მხრიდან ჩინეთისადმი განსაკუთრებულ ყურადღებას გამოჩენაა;

• ლონდონის მერმა, სადიქ ხანმა თქვა, რომ კარანტინი კიდევ გაგრძელდება;
• დიდი ბრიტანეთის პრემიერი ბორის ჯონსონი რეანიმაციაში რჩება.

რა ხდება საქართველოში

• საქართველოში კორონავირუსისგან კიდევ 2 ადამიანი გამოჯანმრთელდა, ჯამში — 48
• რატიანი: დაავადების გამოსავალში დიდი მნიშვნელობა აქვს უზნაძის თეორიას, ვიყოთ კარგ განწყობაზე
• ქართული პირბადეები აფთიაქში 50 თეთრად გაიყიდება, ერთ ადამიანზე მაქსიმუმ 3 ცალი — თურნავა
• ვანის მუნიციპალიტეტის გასასვლელებში სპეციალური გამშვები პუნქტები მოეწყობა და მოქალაქეები თერმოსკრინინგს გაივლიან
• ირაკლი ჩიქოვანის თქმით, საგანგებო მდგომარეობის გახანგრძლივება ვირუსის გავრცელებაზეა დამოკიდებული
• ეკლესიაში არც აღდგომამდე და არც აღდგომაზე მისვლას არ ვაპირებ — თეა წულუკიანი
• ოკუპირებულ აფხაზეთში კორონავირუსის კიდევ ერთი შემთხვევა დადასტურდა
• სემეკმა კომუნალურ სუბსიდირებაზე უარის თქმის პლატფორმა შექმნა

დღის ფრაზა: ეკლესიაში შეჭრა და მრევლის ქეჩოთი გამოყვანა არაა ამ წუთში პოლიციის მიმართულება — თეა წულუკიანი

დღის დამაიმედებელი ამბავი

ევროკავშირი საქართველოს კორონავირუსთან ბრძოლისთვის 183 მილიონ ევროს გამოუყოფს. სამეზობლო პოლიტიკისა და გაფართოების საკითხებში ევროკომისარი, ოლივერ ვარჰელი ტვიტერზე წერს, რომ ევროკავშირი აღმოსავლეთ პარტნიორობის ქვეყნებისთვის ჯამში 962 მილიონ ევროს გამოყოფს.

დღის სასარგებლო ინფორმაცია

აშშ-ს ჰოპკინსის უნივერსიტეტის ექიმი-ინფექციონისტი, მამუკა მაჩაიძე ამბობს, რომ ერთი ინფიცირებულის მიერს რეკომენდაციის არდაცვა, ჯაჭვური რეაქციით რამდენიმე ასეულ ადამიანს დააინფიცირებს.

"1 დაინფიცირებული ადამიანი 30 დღეში, თვის ბოლოს, თუ არ ასრულებს სოციალური დისტანცირების წესს და აგრძელებს ცხოვრებას ისე, როგორც მანამდე აგრძელებდა, დააინფიცირებს, დაახლოებით, 380-დან 400-მდე ადამიანს ჯაჭვური რეაქციით. 1 დაინფიცირებული ადამიანი, რომელიც სრულად ასრულებს სოციალური დისტანცირების რეკომენდაციას და რჩება სახლში, მაინც დააინფიცირებს საშუალოდ 2-დან 3-მდე ადამიანს. აი, ამხელა განსხვავება შეიძლება მოგვცეს ერთი ადამიანის მიერ შესრულებულმა ქცევამ", — განმარტა მამუკა მაჩაიძემ.

ამბავი, რომელმაც გაგვაღიმა

კორონავირუსის გამო დაკეტილ ჰონგ-კონგის ზოოპარკში პანდები პირველად დაწყვილდნენ. როგორც ზოოპარკის წარმომადგენლები ამბობენ, პანდები, სახელად ინგ-ინგი და ლი-ლი 2010 წლიდან ცდილობენ დაწყვილებას, თუმცა — უშედეგოდ. ზოოპარკის დირექტორის თქმით, იგი გახარებულია, რადგან შეიძლება ტერიტორიაზე პატარა პანდა დაიბადოს.

ერთად თავმოყრილი რეკომენდაციები:

• ჯანდაცვის მსოფლიო ორგანიზაციის აუცილებელი რეკომენდაციები კორონავირუსისგან დასაცავად

• Ի՞նչ է նոր կորոնավիրուսը — რეკომენდაციები კორონავირუსის პრევენციისთვის სომხურ ენაზე
• Yeni koronavirus nədir? — რეკომენდაციები კორონავირუსის პრევენციისთვის აზერბაიჯანულ ენაზე

• ჯანდაცვის სამინისტროს რეკომენდაციები ჟურნალისტებისთვის

• რეკომენდაციები თვითიზოლაციაში მყოფი პირებისთვის

• როგორ უნდა გაიკეთოთ, გამოიყენოთ და გადააგდოთ ნიღაბი

• როგორ დავიბანოთ ხელები სწორად კორონავირუსისგან დასაცავად

• როგორ ვიზრუნოთ ფსიქიკურ ჯანმრთელობაზე კორონავირუსის დროს

ნახეთ წინა შეჯამებები:

• ჯანმრთელობის მსოფლიო დღე კორონავირუსის პანდემიისას — 7 აპრილის შეჯამება
• 10 000-ზე მეტი გარდაცვლილი ამერიკაში და შემთხვევების ზრდა საქართველოში — 6 აპრილის შეჯამება
• ყოველდღიური სიკვდილიანობის მაჩვენებლის კლება ევროპაში და სააღდგომო მზადება საქართველოში — 5 აპრილის შეჯამება
• პირველი გარდაცვლილი საქართველოში და 60 000-ზე მეტი მსოფლიოში — 4 აპრილის შეჯამება;
• აპრილის შეჯამება;
• 155 ინფიცირებული საქართველოში და მოახლოებული კრიზისული ფაზა — 3 აპრილის შეჯამება;
• მილიონი ინფიცირებული მსოფლიოში და შეზღუდული ბიზნესი საქართველოში — 2 აპრილის შეჯამება.