დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის დირექტორის, ამირან გამყრელიძის განცხადებით, ელოდებიან, რომ აპრილის ბოლოს კორონავირუსით ინფიცირებულთა რიცხვი 1 000-დან 1 200-მდე გაიზრდება.

მისი თქმით, ელოდებიან, რომ ამ კვირის ბოლოს ინფიცირებულთა რიცხვი გაორმაგდება და 350-დან 400-მდე გაიზრდება. გაორმაგებას ელოდებიან მომდევნო კვირის ბოლოსაც.

"ჩვენ არ გვინდა მივიღოთ გეომეტრიული პროგრესია და ამიტომაც ვითხოვთ ამ რეკომენდაციების დაცვას", — განაცხადა მან.

გამყრელიძემ აღნიშნა, რომ ამ პერიოდში გაიზრდება გამოჯანმრთელებულთა რიცხვიც.

დაავადებათა კონტროლის ცენტრის დირექტორი ამირან გამყრელიძე აცხადებს, რომ კვირის ბოლოს ინფიცირებულთა საერთო რიცხვის 350-დან 400-მდე გაზრდას ელოდებიან. მისივე თქმით, აპრილის ბოლოს 1 200-მდე ინფიცირებულს ელიან.

ბოლო მონაცემებით, საქართველოში კორონავირუსით ინფიცირების 8 ახალი შემთხვევაა და ჯამში ინფიცირებულთა რაოდენობა 196-ია. გარდაიცვალა 3 ინფიცირებული და გამოჯანმრთელდა — 46. კარანტინის რეჟიმში 4 674 პირი რჩება, ხოლო, სტაციონარში მეთვალყურეობის ქვეშ 362 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: