დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

პირველი საუნივერსიტეტო კლინიკის ხელმძღვანელის ლევან რატიანის თქმით, მათივე მედპერსონალის ყველა ტესტის შედეგი უარყოფითია კორონავირუსზე. 7 აპრილს ჟურნალისტებთან საუბრისას რატიანმა აღნიშნა, რომ კლინიკის მედპერსონალს გუშინ ჩაუტარდა გამოკვლევა.

ლევან რატიანის თქმით, ამ ეტაპზე კლინიკაში 66 პაციენტია და მათგან 52-ს კორონავირუსი აქვს, ექვსი მათგანი კი რეანიმაციაშია.

საქართველოში კორონავირუსით ინფიცირების 7 ახალი შემთხვევაა და ჯამში ინფიცირებულთა რაოდენობა 195-მდე გაიზარდა. ამის შესახებ ინფორმაცია StopCov.ge-ზეა მოცემული.

დადასტურებულ შემთხვევებს შორის გამოჯანმრთელებულია 39 ადამიანი. ინფიცირებულებს შორის კი გარდაცვლილია 2 პირი. კარანტინის რეჟიმში 4 735 პირი რჩება, ხოლო, სტაციონარში მეთვალყურეობის ქვეშ 383 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: