საქართველოს პრემიერ-მინისტრმა, გიორგი გახარიამ დიდი ბრიტანეთის პრემიერ-მინისტრს, ბორის ჯონსონს კორონავირუსისგან გამოჯანმრთელება უსურვა. ამის შესახებ გახარიამ ტვიტერზე დაწერა.

"ჩემი და საქართველოს მთავრობის სახელით გისურვებთ, რომ სწრაფად გამოჯანმრთელდეთ. დარწმუნებული ვარ, რომ ბრიტანელი ხალხი და მთავრობა COVID-19-ის გამოწვევასაც გაუძლებს და გადალახავს, როგორც ეს ისტორიის მანძილზე ხდებოდა", — წერს გახარია.

ბორის ჯონსონს გამოჯანმრთელება ტვიტერზე საქართველოს პრეზიდენტმა, სალომე ზურაბიშვილმაც უსურვა.

დიდი ბრიტანეთის პრემიერ-მინისტრი, რომელსაც კორონავირუსი დაუდასტურდა, გამოკვლევებისთვის კლინიკაში 5 აპრილს გადაიყვანეს. მედიის ინფორმაციით, ჯონსონს ეს რეკომენდაცია ექიმმა მისცა, რადგან ვირუსის დადასტურებიდან 10 დღის შემდეგ მას ისევ აქვს სიმპტომები, მათ შორის, მაღალი ტემპერატურა.

ამ დრომდე ბორის ჯონსონი თვითიზოლაციაში იმყოფებოდა და აგრძელებდა მთავრობის მეთაურის მოვალეობის შესრულებას.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: