დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისი-ბარსელონა-თბილისისა და თბილისი-ვარშავა-თბილისის მიმართულებით დამატებითი ფრენები შესრულდება. ამის შესახებ საგარეო საქმეთა მინისტრმა, დავით ზალკალიანმა განაცხადა.

მისი თქმით, ამ დროისთვის სამშობლოში 5 ათასამდე მოქალაქეა დაბრუნებული და საზღვარგარეთ დარჩენილი მოქალაქეების დაბრუნება ეტაპობრივად გაგრძელდება.

"დღევანდელი ჩვენი კონსულტაციების შედეგად გადაწყდა, რომ კიდევ 2 ახალი მიმართულება დაემატება და 24 აპრილს და 27 აპრილს განხორციელდება ფრენები: თბილისი-ბარსელონა-თბილისის მიმართულებით და ასევე, თბილისი-ვარშავა-თბილისის მიმართულებით. რა თქმა უნდა, ეს ფრენებიც განხორციელდება მსოფლიო ჯანდაცვის ორგანიზაციის წესების შესაბამისად. ბილეთები გაიყიდება ორი დღით ადრე მითითებულ თარიღამდე", — განაცხადა ზალკალიანმა.

6 აპრილის მონაცემებით, საქართველოში კორონავირუსით ინფიცირების 188 შემთხვევაა დაფიქსირებული. მათგან ორი პაციენტი გარდაიცვალა, 36 კი უკვე გამოჯანმრთელდა. ამ დრომდე კარანტინის რეჟიმში რჩება 5 056 ადამიანი, სტაციონარში მეთვალყურეობის ქვეშ — 386.

კორონავირუსის გავრცელების პრევენციისთვის საქართველოში 21 მარტს საგანგებო რეჟიმი გამოცხადდა და დამატებითი შეზღუდვები დაწესდა. აღნიშნული ზომები 31 მარტის შემდეგ გამკაცრდა, როდესაც პრემიერ-მინისტრმა გიორგი გახარიამ "ფაქტობრივი კარანტინი" გამოაცხადა. ამოქმედდა ე.წ. კომენდანტის საათი და სამზე მეტი ადამიანის შეკრება აიკრძალა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: