პირველი საუნივერსიტეტო კლინიკის დირექტორის, ლევან რატიანის განცხადებით, მათთან 5 მძიმე პაციენტი მკურნალობს, რომელთაგანაც 1-ის მდგომარეობა კრიტიკულია. მისი თქმით, 67 წლის პაციენტი სეფსისის საწინააღმდეგო ცენტრიდან გადაიყვანეს.

"ამ პაციენტის მდგომარეობა ამ ეტაპზე ითვლება ტერმინალურად, ვინაიდან არის მულტიპოლიორგანული უკმარისობა. მიმდინარეობს ყველა ღონისძიება რაც პროტოკოლით არის გაწერილი, მაგრამ არ ვიცი შედეგს რას მივიღებთ", — განაცხადა მან TV პირველთან საუბრისას.

რატიანი აცხადებს, რომ ლეტალური შედეგების ასაცილებლად საჭიროა დროულად მოხდეს მძიმე პაციენტების ჰოსპიტალიზაცია და ტრანსპორტირება ცხელების ცენტრებიდან. რატიანი განმარტავს, რომ მათი კლინიკა მძიმე პაციენტების მიმღებია და სთხოვს ექიმებს გაითვალისწინონ, როდის უნდა გადაიყვანონ პაციენტი. მანვე აღნიშნა, რომ ეს პაციენტიც დაგვიანებით შეიყვანეს.

ბოლო მონაცემებით, საქართველოში კორონავირუსით ინფიცირების 170 შემთხვევაა დაფიქსირებული, აქედან 2 გარდაიცვალა და 36 გამოჯანმრთელდა. კარანტინის რეჟიმში რჩება 5067 პირი, სტაციონარში მეთვალყურეობის ქვეშ — 330.

ინფექციური სავადმყოს დირექტორის, მარინა ეზუგბაიას განცხადებით, მათთან მყოფი 2 არასწრულწლოვნის ტესტირების პერიოდიც დადგა და ის ვარაუდობს, რომ კლინიკას გამოჯანმრთელებულები დატოვებენ. მანვე აღნიშნა, რომ დღის განმავლობაში გამოჯანმრთელებულთა რიცხვი რამდენიმე ადამიანით გაიზრდება

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: