ბრიტანეთში ერთ დღეში კორონავირუსით 708 ადამიანი გარდაიცვალა, რაც ქვეყნისთვის ყველაზე მაღალი მაჩვენებელია. ამის შესახებ ინფორმაციას CNN ავრცელებს.

ბრიტანეთში ჯანმრთელობისა და სოციალური დაცვის დეპარტამენტის მიერ გამოქვეყნებული მონაცემების მიხედვით, ჯამში ქვეყანაში კორონავირუსით 4 313 ადამიანი გარდაიცვალა. მონაცემები 3 აპრილის 5 საათისთვისაა დათვლილი, თუმცა ის ერთი დღის შემდეგ გასაჯაროვდა.

4 აპრილის მონაცემებით, ქვეყანაში კორონავირუსის დადასტურებული შემთხვევების რაოდენობა, დილის 9 საათისთვის 41 903 იყო, რაც წინა დღის მაჩვენებლიდან შედარებით 3 735-ით მეტია.

ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად 11 მარტს გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ: