ეკონომიკისა და მდგრადი განვითარების მინისტრი ამბობს, რომ წელს ეკლესიაში, სააღდგომო ლიტურგიაზე არ წავა.

ამის შესახებ ნათია თურნავამ მთავარი არხის კითხვაზე საპასუხოდ ისაუბრა.

"წინა წლებისგან განსხვავებით, ამჯერად მე და ჩემი ოჯახის წევრები ტელევიზიით მივადევნებთ თვალყურს სააღდგომო მღვდელმსახურებას", — თქვა თურნავამ.

დღესვე, ვიცე-პრემიერმა და ინფრასტრუქტურის მინისტრმაც თქვა, რომ სააღდგომო ლიტურგიაზე ეკლესიაში წასვლას არ აპირებს. მისივე განცხადებით, 21:00 საათამდე მრევლის ეკლესიაში შეკრება და მათი იქ დარჩენა 06:00 საათამდე კომენდანტის საათის დარღვევაა. მინისტრმა ასევე აღნიშნა, რომ შეზღუდვა ეხება ყველას, მათ შორის, სასულიერო პირებს, რომლებმაც მსახურება უნდა აღასრულონ.