შინაგან საქმეთა მინისტრის, ვახტანგ გომელაურის თქმით, მან საოკუპაციო ხაზი მოინახულა და იქ "სიმშვიდე და სიწყნარე" დახვდა. ვიზიტის შესახებ ინფორმაცია შინაგან საქმეთა სამინისტროს პრესსამსახურმა გაავრცელა. მათი ცნობით, მინისტრი პრემიერ მინისტრთან და მთავრობის სხვა წევრებთან ერთად სამეგრელოში, საოკუპაციო ხაზთან რამდენიმე დღის წინ ჩავიდა, დღეს კი შიდა ქართლის საოკუპაციო ზოლი დაათვალიერა.

"მოვინახულეთ საოკუპაციო ხაზი, ჩამოვედით ცხინვალის მიმართულებებით აქაც სიმშვიდეა და სიწყნარეა. გაიჟღერა ინფორმაციამ, თითქოს ძალები მოვაკელით განსაკუთრებულ დავალებათა დეპარტამენტსა და კრიმინალურ პოლიციას და სხვაგან გადავიყვანეთ, არანაირად, პირიქით, დღეს უფრო მეტი პოლიციელი დგას საოკუპაციო ზოლზე ვიდრე აქამდე იდგა", — ამბობს ვახტანგ გომელაურმა.