რუსეთის ტურიზმის ფედერალური სააგენტო განცხადებას ავრცელებს, რომელშიც საქართველოში რუსი ტურისტების გაზრდილი ნაკადის გამო, საგარეო საქმეთა უწყება მოქალაქეებს შესაძლო რისკების შესახებ აფრთხილებს:

"ორ ქვეყანას შორის დიპლომატიური ურთიერთობის არარსებობის გამო, რომელიც 2008 წელს ქართულმა მხარემ გაწყვიტა, რუსების საკონსულო და უფლებრივი დაცვა საქართველოში ძალიან შეზღუდულია. ქვეყანაში ისევ მოქმედებს კანონი ოკუპირებული ტერიტორიების შესახებ, რომელიც აფხაზეთსა და სამხრეთ ოსეთში ჩასული უცხოელების დასჯას ითვალისწინებს. 2015 წელს, ამ კანონის საფუძველზე, რუსეთის 3 მოქალაქე დააკავეს, რამდენიმეს კი ჯარიმა დააკისრეს. ამასთან, რუსების თვალთვალის შემთხვევები წელსაც განმეორდა.

რუსმა ტურისტებმა, რომლებიც საქართველოში მიდიან, ყურადღება უნდა მიაქციონ სამედიცინო დაზღვევის გაფორმების აუცილებლობას, რაც განსაკუთრებით აქტუალურია, რადგან საქართველოში ეს მომსახურება ძალიან ძვირია".