ოპოზიციაში გადასულმა მიხეილ სააკაშვილმა რამდენიმე წუთის წინ გამართულ კონფერენციაზე განაცხადა, რომ ახალ პარტიას ქმნის და ვადამდელ არჩევნებს ითხოვს:

"ჩემი გადადგომის შემდეგ მე და ჩემს თანამოაზრეებს გარკვეული გეგმა გვაქვს და დავაფუძნეთ ახალი პარტია, ესაა ახალი ძალების პლატფორმა და ჩვენი მიზანია შევცვალოთ უკრაინის ე.წ. პოლიტიკური ელიტა".

ახალ პარტიას სახელად ახალი ძალების პლატფორმა ერქმევა.

"ჩვენს პარტიაში არ მივიღებთ მას, ვინც პარლამენტში ერთზე მეტჯერ იყო შესული, ვისაც 2 წელზე მეტი უმუშავია საჯარო სამსახურში და ვისაც დიდი ბიზნესი აქვს" - დასძინა ოდესის ყოფილმა გუბერნატორმა.

მიხეილ სააკაშვილი ოდესის გუბერნატორის თანამდებობიდან 7 ნოემბერს გადადგა.

პრესასთან შეხვედრაზე გამართულ ბრიფინგზე, სააკაშვილს ეკრანებზე მისი და ტრამპის შეხვედრის ამსახველი ვიდეოები ჰქონდა გაშვებული.