საქართველოში დიდი ბრიტანეთის ახალ ელჩად ჯასტინ მაკენზი სმიტი დაინიშნა. იგი ალექსანდრა ჰოლ ჰოლს ჩაანაცვლებს, რომელიც საქართველოში თავის მოვალეობას აგვისტოს შუა რიცხვებამდე შეასრულებს. ამის შესახებ ბრიტანეთის მთავრობამ გაავრცელა განცხადება.

ჯასტინ მაკენზი სმიტი 2016 წლის აგვისტოს ბოლოდან ჩამოვა საქართველოში. მისი წინამორბედი 2013 წლის პირველი აგვისტოდან არის ბრიტანეთის ელჩი.

მომავალი ელჩის CV-ში წერია, რომ 2011 წლიდან 2015 წლამდე, ჯასტინ მაკენზი სმიტი მექსიკაში დიდი ბრიტანეთის დიპლომატიური მისიის ხელმძღვანელის მოადგილე და ვაჭრობისა და ინვესტიციების დირექტორი იყო. 2008 წლიდან კი ბრიტანეთის საგარეო საქმეთა სამინისტროში, აღმოსავლეთ ევროპისა და ცენტრალური აზიის დეპარტამენტის დირექტორი მოადგილე იყო. მან საგარეო საქმეთა სამინისტროში მუშაობა 1994 წელს დაიწყო. 1996 – 1999 წლებში კი, მუშაობდა მოსკოვში მეორე მდივნად.