დონალდ ტრამპმა აშშ-ს მოსახლეობას პრეზიდენტის არჩევნების წინასწარი შედეგების გამოქვეყნების შემდეგ, აშშ-ს 45-ე პრეზიდენტის რანგში, პირველად მიმართა. მან განაცხადა, რომ პრეზიდენტობის მეორე კანდიდატმა, დემოკრატმა ჰილარი კლინტონმა უკვე დაურეკა მას და გამარჯვება მიულოცა. ინფორმაციას Washington Post ავრცელებს.

ტრამპის თქმით, თავის მხრივ, მან ჰილარი კლინტონსა და მის ოჯახს საკმაოდ რთული საარჩევნო კამპანიის წარმართვა მიულოცა. აშშ-ს ახალმა პრეზიდენტმა ასევე განმარტა, რომ დადგა ერთიანობის დრო. ის აშშ-ს მიწაზე მცხოვრებ ყველა მოქალაქეს დაპირდა, რომ რომ თითოეული ამერიკელის პრეზიდენტი იქნება და ეს მისთვის ძალიან მნიშვნელოვანია:

"მოგმართავთ მათაც, ვინც მე არ დამიჭირა მხარი, ჩვენ უნდა გავაერთიანოთ ჩვენი ქვეყანა".