გერმანიაში კორონავირუსით ინფიცირებულთა რაოდენობა ბოლო 24 საათის განმავლობაში 2 958-ით გაიზარდა და 13 957-ს მიაღწია. ამის შესახებ ინფორმაციას CNN ავრცელებს.

გერმანიის საზოგადობრივი ჯანმრთელობის სააგენტოს დირექტორის, ლოთარ ვილერის განცხადებით, 24 საათის განმავლობაში გერმანიაში კორონავირუსით 11 ადამიანი გარდაიცვალა, ჯამში გარდაცვლილთა რაოდენობა კი 31-ია.

"ჩვენ მომდევნო კვირაში უფრო მეტი ფატალური შემთხვევა გვექნება, მათ შორის გარმანიაშიც. უფრო მეტი ადამიანი დაინფიცირდება, უფრო მეტი მიმართავს გადაუდებელი დახმარების ცენტრებს და უფრო მეტს დასჭირდება სასუნთქი აპარატებით დახმარება. ჩვენ ვღელავთ, რომ არ გვექნება შესაბამისი აღჭურვილობით საკმარისი ადგილები", — თქვა ლოთარ ვილერმა.

მან კიდევ ერთხელ მკაცრად გააფრთხილა ყველას, ვინც ფიქრობს, რომ ეს მხოლოდ პანიკაა, თვალი გაუსწორონ რეალობას, დაიცვან ყველა ინსტრუქცია და რეკომენდაცია.

დღეს, 20 მარტს, კორონავირუსით გადაცვლილთა რიცხვმა მსოფლიოში 10 000-ს გადააჭარბა.11 მარტს ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: