გასულ წელს, რუსეთის მოსახლეობამ 500 ათასი ბეისბოლის კეტი იყიდა. ამასთან, ბეისბოლის თამაშისთვის საჭირო სხვა ატრიბუტების გაყიდვები არ გაზრდილა. შეძენილია მხოლოდ ერთი წყვილი ხელთათმანი და ერთიც — ბურთი.

მოსკოვის სატრანსპორტო პოლიციის უფროსის, ვიქტორ კოვალენკოს ცნობით, მძღოლების მიერ იარაღის, ე.წ "ბიტებისა" და დანების გამოყენებით საგზაო კონფლიქტები გახშირდა.

"რთული სათქმელია, სად შეიძლება რუსეთში ბეისბოლის თამაში", — ამბობს კოვალენკო, "ქვეყანაში ეს თამაში არაპოპულარულია."

მისივე თქმით, ბეისბოლის კეტების გაყიდვა ავტოსალონებმაც დაიწყეს.