ამერიკის პრეზიდენტმა დონალდ ტრამპმა კორონავირუსის ტესტი გაიკეთა. ამის შესახებ მან ცოტა ხნის წინ, სპეციალურ ბრიფინგზე განაცხადა. ინფორმაციას ამის შესახებ CNN ავრცელებს.

გამოცემა წერს, რომ პრზიდენტმა ტესტი პარასკევს საღამოს გაიკეთა და პასუხები 1-2 დღეში იქნება ცნობილი.

12 მარტს ცნობილი გახდა, რომ კორონავირუსი დაუდასტურდა ბრაზილიის პრეზიდენტის თანაშემწეს. თანაშემწე ბრაზილიის პრეზიდენტთან, ჟაირ ბოლსონარუსთან ერთად ტრამპს ფლორიდაში 7 მარტს შეხვდა, სადაც ვენესუელის კრიზისი, სავაჭრო და ეკონომიკური საკითხები განიხილეს.

თავდაპირველად ვაშინგარტენი უარყოფდა ჯანმრთელობის გაუარესებას, თუმცა 12 მარტს პრეზიდენტის აპარატმა დაადასტურა, რომ ის სახლში კარანტინის ქვეშაა. თეთრ სახლში ჟურნალისტებთან საუბრისას ტრამპმა აღნიშნა, რომ მას არ აწუხებს შეტყობინებები იმის შესახებ, რომ ბოლსონარუ ან მისი თანაშემწე ტესტირებას გადიან. თეთრი სახლის პრესმდივანი, სტეფანი გრიშმანი ამბობს, რომ კორონავირუსთან დაკავშირებით განცხადებებს აანალიზებენ და სამოქმედო გეგმასაც განსაზღვრავენ.

მედიაში გუშინ, 13 მარტს გავრცელდა ინფორმაცია, რომ კორონავირუსი ბრაზილიის პრეზიდენტსაც დაუდასტურდა, პრეზიდენტმა ეს ფაქტი უარყო. ამის შემდეგ დონალ დტრამპის მიმართ ისევ გაჩნდა შეკითხვები, აქვს თუ არა მას კორონავირუსი.

11 მარტს ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: