დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

ინფექციური საავადმყოფოს დირექტორი, მარინა ეზუგბაიას თქმით, საქართველოში კორონავირუსით ინფიცირებული პირველი პაციენტის ტესტის პასუხები უარყოფითია. ამ დროისთვის ისინი 24 საათში განმეორებითი ტესტის პასუხებს ელოდებიან.

"მინდა დღეს ინფორმაცია დავიწყო ერთი სასიამოვნო ფაქტით. ჩვენთან პირველი პაციენტი რომელსაც დაუდასტურა დაავადება, მე-14 დღეს მასთან გაკეთდა ტესტი, რომელმაც აჩვენა მცირე კონცენტრაცია. გუშინ განმეორდა მასთან ტესტირება კორონავირუსზე და პასუხი მივიღეთ უარყოფითი. წესის მიხედვით აუცილებელია 24 საათის ინტერვალში განმეორებით ტესტირება და როცა მივიღებთ კვლავ ნეგატიურ პასუხს შეგვიძლია ვთქვათ, რომ პაციენტი გამოჯანმრთელდა", — თქვა მარინა ეზუგბაიამ.

საქართველოში კორონავირუსისი პირველი შემთხვევა 26 თებერვალს დაფიქსირდა. საქართველოს მოქალაქე აზერბაიჯანის გავლით ირანიდან შემოვიდა, ის ამ დრომდე ცენტრალურ საავდმყოფოში დაკვირვების ქვეშაა.

პანდემია და რეკომენდაციები

საქართველოში კორონავირუსით ინფიცირების 30 შემთხვევაა დადასტურებული. მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: