კორონავირუსის გამო შექმნილ ვითარებასთან დაკავშირებით თიბისი დაზღვევა მომხმარებლებს განსაკუთრებულ პირობებს სთავაზობს.

თუკი აუცილებლად გიწევთ საზღვარგარეთ მოგზაურობა და შეიძენთ სამოგზაურო პოლისს, რომლის სადაზღვევო პერიოდი დაემთხვევა მსოფლიო ჯანდაცვის ორგანიზაციის მიერ გამოცხადებული COVID-19-ის პანდემიის პერიოდს, პოლისით გათვალისწინებულ სტანდარტულ დაფარვებთან ერთად, სადაზღვევო შემთხვევის დროს, შემდეგი პირობებით ისარგებლებთ:

  • პოლისში დაფიქსირებული ფრანშიზის მიუხედავად, ყველა შემთხვევა, რომელიც ექვემდებარება ანაზღაურებას, ანაზღაურდება ფრანშიზის გარეშე;
  • საზღვარგარეთ ყოფნის პერიოდში დაზღვეულებს შეგიძლიათ REDMED-ის აპლიკაციით ნებისმიერი ექიმის ვიდეო ან აუდიო კონსულტაციით ისარგებლოთ, რაც ასევე ანაზღაურდება ფრანშიზის გარეშე;
  • REDMED-ის ან ადგილობრივი ექიმის დანიშნულებით ანაზღაურდება გაციების და/ან გრიპის დროს საჭირო 7 დღის მოხმარების მედიკამენტები.

გარდა ამისა, თუ უკვე გაქვთ შეძენილი თიბისი დაზღვევის სამოგზაურო პოლისი, იმყოფებით საზღვარგარეთ, მაგრამ დაწესებული შეზღუდვების გამო პოლისის ამოწურვამდე ვერ ბრუნდებით საქართველოში, თიბისი დაზღვევა სამოგზაურო პოლისს 14 დღით, დამატებითი თანხის გარეშე, გაგიხანგრძლივებთ.

თიბისი დაზღვევის ინფორმაციით, აღნიშნული პირობებით სარგებლობისთვის საჭიროა დაუკავშირდეთ ქოლ-ცენტრს ნომერზე 032 2 41 11 11 ან დააფიქსიროთ მოთხოვნა მეილზე [email protected].