უმრავლესობის წევრი, ირაკლი კობახიძე ამბობს, რომ მაჟორიტარული ოლქების გადანაწილებასთან დაკავშირებით ოპოზიციასთან ყველა საკითხზე პრინციპულად შეთანხმდნენ. მისი თქმით, ოპოზიციასთან შეხვედრისას, სხვა რეგიონებში მანდატების რაოდენობის "გადათამაშება" მოახერხეს და თბილისში 8 მაჟორიტარული საარჩევნო ოლქზე შეთანხმდნენ.

მისივე თქმით, ოპოზიციასთან ორი შეთანხმება გააფორმეს და ორივე "ზედმიწევნით" სრულდება.

"ჩვენ გვქონდა დღეს დილით შეხვედრა ოპოზიციას წარმომადგენლებთან, რომელთან ერთადად გავიარეთ თითოეული რეგიონი, თითოეული ოლქი და პრინციპულად შევთანხმდით ყველა საკითხთან დაკავშირებით. არის რამდენიმე დეტალი, რომელიც საჭიროებს დაზუსტებას. პრინციპულად ვართ შეთანხმებული ოლქების გადანაწილებასთან დაკავშირებით, მათ შორის იმასთან დაკავშირებით, თუ თბილისსა და კონკრეტულ რეგიონებს რამდენი მანდატი ეკუთვნის", — განაცხადა ირაკლი კობახიძემ.

8 მარტს ოპოზიცია და მმართველი გუნდი საპარლამენტო არჩევნების 120/30-ზე სისტემით ჩატარებაზე შეთანხმდნენ. რაც იმას გულისხმობს, რომ 2020 წლის არჩევნებში პროპორციული სიით 120 დეპუტატი აირჩევა, მაჟორიტარულით კი — 30.

გაიგეთ მეტი: