მას შემდეგ რაც ლიზოს TikTok-მა საცურაო კოსტიუმში გადაღებული ვიდეო წაუშალა, მომღერალმა პროტესტი სოციალურ ქსელში გამოთქვა.

ვიდეოში, სადაც პოსტის წაშლას აპროტესტებს, ლიზო სინქრონულად ღიღინებს სიტყვას "ვიცი" [I know], პარალელურად კი ეკრანზე ტექსტები ჩნდება.

"ტიკტოკი ყველა პოსტს მიშლის, სადაც საცურაო კოსტიუმი მაცვია, მაგრამ სხვა გოგოების ბიკინიან ვიდეოებთან რატომღაც პრობლემა არ აქვს. ნეტავ რატომ? ტიკტოკ, უნდა ვილაპარაკოთ", — წერია ვიდეოზე, რომელშიც მომღერალი სიტყვებს "ვიცი" ღიღინებს.

@lizzo

😬 ##fyp

♬ iknowiknowiknowiknow - erin_mcmillen

ლიზომ პოსტი გუშინ დადო და უკვე 8 მილიონამდე ნახვა აქვს. ბევრმა მომხმარებელმა ტიკტოკის ორმაგ სტანდარტებზე გაამახვილა აქცენტი.

მართალია ლიზოს ვიდეო წაუშალეს, მაგრამ პლატფორმის ერთ-ერთი ყველაზე პოპულარული ვარსკვლავი, ჩარლი დ'ემილიო უპრობლემოდ განაგრძობს ბიკინიში გადაღებული ვიდეოების ატვირთვას.

საინტერესოა, რას უპასუხებს ტიკტოკი ლიზოს კრიტიკას, იქამდე კი პოპვარსკვლავის ვიდეოების ნახვა ინსტაგრამზე შეგიძლიათ.