საქართველოს პრეზიდენტი სალომე ზურაბიშვილი ფიქრობს, რომ ქვეყანაში რწმენისა და ეკლესიის შელახვის მცდელობებია და ეს ყველაფერი გამოწვეულია კულტურასთან გაუცხოებით. ამავე მიზეზით ხნის ის ქალებზე ძალადობას.

"ჩვენს კულტურასთან ერთგვარმა გაუცხოებამ მისცა გასაქანი საზოგადოებაში შიშსა და უნდობლობას, შეთქმულების თეორიებს თუ სიძულვილის ენას, ჩვენი კულტურისთვის სრულიად უჩვეულო მოვლენას, როგორიც არის ძალადობა ქალთა მიმართ", — განაცხადა მან პარლამენტში ყოველწლიური მოხსენებისას.

ეკლესიის წინააღმდეგ ბრძოლაზე ბოლო პერიოდში აქტიურად საუბრობს საპატრიარქო და მმართველი გუნდი. რწმენის შელახვად ისინი აფასებენ სინოდთან დაპირისპირებული სასულიერო პირების განცხადებებსა და ოპოზიციის კრიტიკას.

საქართველოს პრეზიდენტი სალომე ზურაბიშვილი დღეს, 4 მარტს პარლამენტის წინაშე ყოველწლიური მოხსენებით წარსდგა. ოპოზიცია, რომელიც ბოიკოტის რეჟიმშია პრეზიდენტის გამოსვლას არ ესწრებოდა. ზურაბიშვილს ბოიკოტი გამოუცხადა ფრაქცია დამოუკიდებელმა დეპუტატებმაც.

გაიგეთ მეტი პრეზიდენტის პარლამენტში გამოსვლაზე: