პარლამენტში ყოველწლიურ მოხსენებაზე მისული პრეზიდენტი სალომე ზურაბიშვილი დეპუტატებს მუშტის დარტყმით მიესალმა. TV პირველისა და მთავარი არხის გავრცელებულ ვიდეოებში ჩანს, რომ მმართველი გუნდის დეპუტატმა, მამუკა მდინარაძემ პრეზიდენტს ხელი გაუწოდა ჩამოსართმევად, თუმცა ზურაბიშვილმა ანიშნა, რომ მუშტით დაარტყამდა.

ფოტო: კადრი ვიდეოდან / მთავარი არხი

ამის შემდეგ პრეზიდენტმა სცადა, რომ პარლამენტის თავმჯდომარესაც მუშტის დარტყმით მისალმებოდა, თუმცა არ გამოუვიდა, რადგან არჩილ თალაკვაძემ გაშლილი ხელი დაახვედრა.

ფოტო: კადრი ვიდეოდან / TV პირველი

პრეზიდენტს არ უსაუბრია, რატომ აირჩია მისალმების მსგავსი ფორმა. სავარაუდოა, რომ ეს ბოლო პერიოდში ქვეყანაში კორონავირუსის გავრცელებას უკავშირდება, რადგან დაავადებათა კონტროლის ცენტრის ხელმძღვანელმა, ამირან გამყრელიძემ მოსახლეობას მოუწოდა ხელის ჩამორთმევას და ჩახუტებას მოერიდოს. მისალმების სხვადასხვა ფორმას მსოფლიოს ლიდერებიც უერთდებიან.

საქართველოს პრეზიდენტი სალომე ზურაბიშვილი დღეს, 4 მარტს პარლამენტის წინაშე ყოველწლიური მოხსენებით წარსდგა. ოპოზიცია, რომელიც ბოიკოტის რეჟიმშია პრეზიდენტის გამოსვლას არ ესწრებოდა. ზურაბიშვილს ბოიკოტი გამოუცხადა ფრაქცია დამოუკიდებელმა დეპუტატებმაც.

გაიგეთ მეტი პრეზიდენტის პარლამენტში გამოსვლაზე: