საქართველოს პრეზიდენტის, სალომე ზურაბიშვილის თქმით, მოწყვლადი ჯგუფების მიმართ და თაობებს შორის სოლიდარობა არის ქვეყნის განვითარების გზა. ამის შესახებ პრეზიდენტმა პარლამენტში ყოველწლიური მოხსენების დროს ისაუბრა.

"ახალ ეკონომიკაში არ უნდა დავივიწყოთ ერთ-ერთი მთავარი ქართული ღირებულება — სოლიდარობა. სოლიდარობა თაობათა შორის, სოლიდარობა მოწყვლადი ჯგუფების მიმართ, ეს არის განვითარების ის გზა, რომელიც საქართველოს საქართველოსთან დააბრუნებს", — თქვა სალომე ზურაბიშვილმა.

სიტყვით გამოსვლის დროს პრეზიდენტმა, ასევე, აღნიშნა, რომ ულტრალიბერალიზმის მახინჯი ფორმები უნდა გადაფასდეს მისი თქმით, ხელი უნდა შევუწყოთ იმას, რაც ჩვენთვის ბუნებრივი და ტრადიციულია.

საქართველოს პრეზიდენტი სალომე ზურაბიშვილი დღეს, 4 მარტს პარლამენტის წინაშე ყოველწლიური მოხსენებით წარსდგა. ოპოზიცია, რომელიც ბოიკოტის რეჟიმშია პრეზიდენტის გამოსვლას არ ესწრებოდა. ზურაბიშვილს ბოიკოტი გამოუცხადა ფრაქცია დამოუკიდებელმა დეპუტატებმაც.

გაიგეთ მეტი პრეზიდენტის პარლამენტში გამოსვლაზე: