საქართველოს პრეზიდენტმა, სალომე ზურაბიშვილმა პარლამენტში ყოველწლიური მოხსენების დროს მსოფლიოში არსებულ ვითარებასა და საქართველოს წინაშე მდგარ გამოწვევებზე ისაუბრა.

მისი თქმით, ბრექსიტის შემდეგ ევროკავშირი აღარ იქნება ისეთი, როგორიც იყო წლების წინ, როცა საქართველო პარტნიორობისა და ასოცირების გზას შეუდგა:

"ევროკავშირი საკუთარი კრიზისის ფონზე ჯერ ვერ ყალიბდება, ჯერ რა ურთიერთობა მისცეს, თუ რა ფორმა მისცეს თავის ურთიერთობებს უახლოეს მეზობლებთან, კანდიდატი თუ ასოცირებულ ქვეყნებთან, რომლებიც გაწევრიანებისკენ ილტვიან. რა ფორმით უპასუხოს ჩვენს მოლოდინს, როგორ არ შეაჩეროს ძრავა, რომელმაც გაფართოების პოლიტიკის სახით ყველაზე დიდი გამარჯვება მოუტანა თვით ევროპას და მის ახალ წევრებს".

საქართველოს პრეზიდენტი სალომე ზურაბიშვილი დღეს, 4 მარტს პარლამენტის წინაშე ყოველწლიური მოხსენებით წარსდგა. ოპოზიცია, რომელიც ბოიკოტის რეჟიმშია პრეზიდენტის გამოსვლას არ ესწრებოდა. ზურაბიშვილს ბოიკოტი გამოუცხადა ფრაქცია დამოუკიდებელმა დეპუტატებმაც.