გუშინ, 3 მარტს ოფიციალური შეხვედრების შემდეგ, სომხეთის პრემიერ-მინისტრი ნიკოლ პაშინიანი მთავრობის წევრებმა ვახშამზე წაიყვანეს. საღამოზე საქართველოს პრემიერ-მინისტრმა, გიორგი გახარიამ პაშინიანს ყაზბეგური ბომბორა აჩუქა, მოგვიანებით კი ორივე მათგანმა იმღერა.

პაშინიანმა ფეისბუქგვერდზე ვიდეო ატვირთა, რომელშიც ჩანს, რომ ანსამბლი შვიდკაცა თბილისოს ასრულებს. რამდენიმე წამით პაშინიანი ვიდეოს სელფის რეჟიმზე ატრიალებს, რა დროსაც კადრში ჩანს, რომ გახარია მათთან ერთად მღერის და შემსრულებლებს უღებს.

თბილისოს დასრულების შემდეგ შვიდკაცამ სომხური სიმღერა ახ სირუმ, სირუმ შეასრულა. მათ პაშინიანიც აყვა. სომხეთის პრემიერმა კამერა ისევ სელფის რეჟიმზე შემოაბრუნა და მის გამომწერებს აჩვენა, როგორ მღერის.

სომხეთის პრემიერ-მინისტრი, ნიკოლ პაშიანიანი თბილისს 3 მარტს ეწვია. ვიზიტის ფარგლებში ის საქართველოს პრემიერ-მინისტრს, პრეზიდენტსა და პარლამენტის თავმჯდომარეს შეხვდა. ასევე, გვირგვინით შეამკო გმირთა მემორიალი. პაშინიანის ვიზიტი დღეს სრულდება.