კორონავირუსის გამო თბილისის ოპერისა და ბალეტის თეატრმა სპექტაკლები გადადო

დაავადებათა კონტროლის ცენტრის ცხელი ხაზი 116 001

კორონავირუსის გამო თბილისი ოპერისა და ბალეტის თეატრმა მარტის თვეში დაგეგმილი სპექტაკლები გადადო. ამის შესახებ ინფორმაცია თეატრმა Facebook გვერდზე გაავრცელა.

განცხადებაში წერია, რომ განახლებულ განრიგს ინფორმაცია უახლოეს დღეებში გავრცელდება. ნაყიდი ბილეთებით სარგებლობა მაყურებელს გადატანილ სპექტაკლებზე შეეძლება. სურვილის შემთხვევაში ოპერის სალაროში ნაყიდი ბილეთების თანხას თეატრი აანაზღაურებს, ონლაინ ნაყიდ ბილეთებს კი TKT.ge.

სპექტაკლები 16 მარტამდე გადაიდო რუსთაველის, მარჯანიშვილის, სამეფო უბნისა და ილიაუნის თეატრებში. მუშაობას ჩვეულებრივ რეჟიმში აგრძელებს თავისუფალი თეატრი.

პირველ მარტს კორონავირუსის გავრცელების პრევენციისთვის უწყებათაშორისი საკოორდინაციო საბჭომ გასცა რეკომენდაცია, რომ საზოგადოებრივი თავშეყრის ადგილებში ხალხმრავალი ღონისძიებები გაუქმდეს. საბავშვო ბაღებსა და სკოლებში სასწავლო პროცესი 16 მარტამდე შეწყდება. ამ ხნის განმავლობაში კი შენობებში დეზინფექცია ჩატარდება.

საქართველოში ამჟამად კორონავირუსის 3 შემთხვევაა დაფიქსირებული. კორონავირუსით ინფიცირების პირველი შემთხვევა საქართველოში 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე კი — 29 თებერვალს.

საბავშვო ბაღებსა და სკოლებში სასწავლო პროცესი 16 მარტამდე შეწყდება. ამ ხნის განმავლობაში კი შენობებში დეზინფექცია ჩატარდება. ამასთანავე დეზინფექცია ჩაუტარდა თბილისის საზოგადოებრივ ტრანსპორტს.

ამავე თემაზე:

გაიგეთ მეტი კორონავირუსის პრევენციის შესახებ:

ბოლო ამბები:

გირჩევთ