ხარაგაულის გამგებლის თქმით, კომპანია ჩინეთის რკინიგზის 23-ე ბიუროს ადმინისტრაციის 6 თანამშრომელი დაკავებულია. როგორც ის ამბობს, დაკავებულები გუშინ მომხდარ ინციდენტში მონაწილეობდნენ. ინფორმაციას ლიბერალი ავრცელებს.

On.ge ცდილობს ინფორმაციის გადამოწმებას, თუმცა, რამდენიმე მცდელობის მიუხედავად, შსს-ს პრესსამსახურში გვითხრეს, რომ ინფორმაციას ამის შესახებ ვერ მოგვცემდნენ.

2 ნოემბერს აღნიშნული კომპანიის თანამშრომლებმა კომპანიაში დასაქმებულებს ფიზიკური შეურაცხყოფა მიაყენეს, რის შესახებაც ინფორმაცია გიორგი თაბუკაშვილმა გაავრცელა.

დღეს კი ხარაგაულის რაიონის სოფელში რკინიგზის მშენებლობაზე დასაქმებულებმა მოსახლეობასთან ერთად აქცია გამართეს. ერთ-ერთი დასაქმებული, გიორგი თაბუკაშვილი On.ge-სთან საუბარში აცხადებს, რომ მუშები გვირაბში სამუშაოდ მანამ არ შევლენ, სანამ არ შეიცვლება კომპანიის მენეჯმენტი.