მსოფლიო ჯანდაცვის ორგანიზაციის (WHO) თქმით, კორონავირუსის ახალი შემთხვევები უფრო მეტად ჩინეთს გარეთ ფიქსირდება, ვიდრე ჩინეთში. მსოფლიო ჯანდაცვის ორგანიზაციის დირექტორის თქმით, გუშინ, 25 თებერვალს ჩინეთს გარეთ დაავადებულთა რაოდენობამ პირველად გადააჭარბა ჩინეთში დაავადებულების რაოდენობას.

მსოფლიო ჯანდაცვის ორგანიზაციაში აცხადებენ, რომ კორონავირუსის შემთხვევები უეცრად გაიზარდა იტალიაში, ირანსა და სამხრეთ კორეაში. ირანთან დაკავშირებულია ინფიცირების ახალი შემთხვევები, რომლებიც გამოვლინდა ბაჰრეინში, ერაყში, ქუვეითსა და ომანში. ხოლო იტალიასთანაა დაკავშირებული ალჟირში, ავსტრიაში, ხორვატიაში, გერმანიაში, ესპანეთსა და შვეიცარიაში გამოვლენილი შემთხვევები.

მსოფლიოს ჯანდაცვის ორგანიზაცია და ევროპის დაავადებათა პრევენციისა და კონტროლის ცენტრის ერთობლივი ჯგუფი 25 თებერვალს რომში ჩავიდა. გუნდი ამ კვირას გაემგზავრება ირანშიც.

"დაუდევრად სიტყვა პანდემიის გამოყენებას არანაირი სარგებელი არ მოაქვს, მაგრამ მას თან ახლავს რისკი არასაჭირო, გაუმართლებელი შიშისა და სტიგმის. ამან შეიძლება სისტემების პარალიზება გამოიწვიოს. შეიძლება ის ასევე იყოს იმის ნიშანი, რომ ჩვენ აღარ შეგვიძლია ვირუსის შეჩერება, რაც არ არის სიმართლე. ჩვენ ვართ ბრძოლაში, რომლის მოგებასაც შევძლებთ, თუ სწორად მოვიქცევით", — თქვა WHO-ს დირექტორმა.

ახალი კორონავირუსით 80 ათასზე მეტი ადამიანი დაავადდა. ბოლო მონაცემებით, ვირუსის გამო 3 ათას ადამიანამდე გარდაიცვალა. ყველაზე დიდი რიცხვი გარდაცვლილებისა და დაავადებულების კონტინენტურ ჩინეთში ფიქსირდება. შემდეგ მოდიან ჰონგ-კონგი, მაკაო, სამხრეთ კორეა, იტალია, იაპონია, ირანი და სინგაპური.

ამავე თემაზე: