პარლამენტის პირველი ვიცე-სპიკერი, გია ვოლსკი ჯანდაცვისა და ფინანსთა მინისტრების პარლამენტში არგამოცხადებით რეგლამენტის დარღვევაზე ამბობს, რომ რეგლამენტს იქით "ჯენლტმენური შეთანხმების" პრინციპები არსებობს. მისი თქმით, არასმთავრობო ორგანიზაციების განცხადება, ფინანსთა და ჯანდაცვის მინისტრების იმპიჩმენტის დაწყებაზე, "პოლიტიკურად შეფუთულია".

"ნებისმიერი რეგლამენტის და ნებისმიერ წესის იქით, არსებობს კიდევ ჯენლტმენური შეთანხმების ან ლოგიკის გარკვეული პრინციპები. მაგრამ ამ შემთხვევაში, როდესაც პოლიტიკური ვითარება ესოდენ მწვავეა, ეს ლოგიკა იკარგება

რეგლამენტის დარღვევის გამო შესაძლოა ფინანსთა და ჯანდაცვის მინისტრების იმპიჩმენტი დაიწყოს. ამ ინიციატივით არასმთავრობო ორგანიზაციები გამოდიან. მესამე სექტორში ამბობენ, რომ მინისტრები, რომლებიც რეგლამენტს არღვევენ და საკანონმდებლო ორგანოს მიმართ უპატივცემულობას იჩენენ, ამ პოსტს არ უნდა იკავებდნენ. იმპიჩმენტის პროცედურის დაწყებას 50 დეპუტატის ხმა სჭირდება.

ფინანსთა მინისტრს, ვანო მაჭავარიანს, დარგობრივი ეკონომიკის კომიტეტის სხდომაზე 24 თებერვალს ელოდნენ. ის კომიტეტში მოსმენაზე ფრაქცია დამოუკიდებელი დეპუტატების წევრებმა დაიბარეს. თუმცა, კომიტეტის სხდომაზე არ მივიდა.

როგორც მაჭავარიანმა ჟურნალისტებს უთხრა, მას კომიტეტში მოსვლისთვის თავი არ აურიდებია.