თბილისის საქალაქო სასამართლოსთან თბილისში აქციების დროს დაკავებული აქტივისტების მხარდასაჭერი აქცია გაიმართა. ყველა მათგანი თბილისში ე.წ. გავრილოვის ღამის, 20 ივნისის შემდეგ დააკავეს.

დღეს, 25 თებერვალს თბილისის საქალაქო სასამართლოში ერთდროულად რამდენიმე საქმე განიხილება. გარდა ამისა, დღესვე სასამართლო იმსჯელებს ტელეკომპანია მთავარის ერთ-ერთი მფლობელის, გიორგი რურუას საქმეზე.

გიორგი რურუა 2019 წლის 18 ნოემბერს იარაღის უკანონო ტარების ბრალდებით დააკავეს. მისი უფლებადამცველი და პარტნიორი ნიკა გვარამია აცხადებს, რომ გიორგი რურუას იარაღი ჩაუდეს. დაკავებული ბრალს არ აღიარებს და ამბობს, რომ იარაღი მას საერთოდ არ უნახავს.