გუშინ, 22 თებერვალს, გვიან ღამით ადგილობრივებმა და აქტივისტებმა ვარკეთილში პარტიზანულად გააშენეს სკვერი. ეს ანას ბაღის გადასარჩენად მიმდინარე რამდენიმეთვიანი პროტესტის ერთგვარი კულმინაცია იყო.

ადგილზე მისულები წერაქვებით შეიარაღდნენ და ბეტონის სქელი ფენა, რომელიც მშენებლობასა და ანას ბაღს ყოფდა, ამოტეხეს. წინასწარ გამზადებული მიწა და ნერგები მალევე დაირგო და სკვერი პარტიზანულად გამწვანდა.

ფოტო: გელა ბოჩიკაშვილი / On.ge

ფოტო: გელა ბოჩიკაშვილი / On.ge

სანამ ნაწილი გამწვანებაზე მუშაობდა, დანარჩენებმა სკვერში საქანელები დაამონტაჟეს. სხვები კი მაგიდებსა და სკამებს ამაგრებდნენ.

ფოტო: გელა ბოჩიკაშვილი / On.ge

პროცესში ჩართული იყვნენ ბავშვებიც. მწვანე სივრცის გადასარჩენად რამდენიმეთვიან აქციებზე ისინიც მშობლებთან ერთად იბრძოდნენ.

ფოტო: გელა ბოჩიკაშვილი / On.ge

ბაღის მიმდებარედ მობილიზებული იყო პოლიცია და იქვე იმყოფებოდა მერიის ზედამხედველობის სამსახურის წარმომადგენელიც. სკერის მოწყობა ნებართვის გარეშე მიმდინარეობდა, თუმცა ისინი პროცესში არ ჩარეულან.

ფოტო: გელა ბოჩიკაშვილი / On.ge

აქტივისტებსა და ადგილობრივებს სულ სამი საათი და 3 000 ლარი დასჭირდათ იმისთვის, რომ პარტიზანული სკვერი მოეწყოთ. ნახეთ როგორ გამოიყურება ის.

ფოტო: ანას ბაღის გადასარჩენად / FB

მშენებლობის დასრულების შემდეგ, ანას ბაღისთვის მებრძოლებმა სამახსოვრო სურათიც გადაიღეს.

ფოტო: გელა ბოჩიკაშვილი / On.ge

სხვებმა კი სკვერის ათვისება და საქანელებით გართობა დაიწყეს.

ფოტო: გელა ბოჩიკაშვილი / On.ge

ფოტო: გელა ბოჩიკაშვილი / On.ge