კახელმა ირემმა უკვე გვასწავლა როგორ გადავიღოთ იდეალური სელფი, ამჯერად კი ბორჯომ-ხარაგაულის ნაკრძალში მცხოვრები ცხოველები გვიჩვენებენ, როგორ გავატაროთ დრო თოვლიან ამინდში.

დაცული ტერიტორიების სააგენტო ნაკრძალიდან ზამთარში გადაღებული კადრების კომპილაციას ავრცელებს. მასში ვხედავთ მარტოსულ ნუკრს, რომელსაც თავზე ხეების ტოტებიდან თოვლი ეყრება; კიდევ ცნობისმოყვარე და ძალიან ფრთხილ შველს, მეგობარ ირმებს, რომლებიც ერთმანეთს ელოდებიან და დაკვირვებულ ირემს ჭაბუკობაში.

ქართველ კინომატოგრაფებს შეუძლიათ ეს კადრები შვლის ნუკრის ნაამბობის ადაპტაციაში გამოიყენონ, რადგან დისნეი ბემბის მხატვრულ ფილმზე ჩვენთან შეუთანხმებლად უკვე მუშაობს.