ქართული ოცნების თავმჯდომარეს, ბიძინა ივანიშვილს დაბადების დღეს საქართველოს მეცნიერებათა ეროვნული აკადემია ულოცავს. მისალოც წერილში წერია, რომ ივანიშვილს ქართულ აკადემიებში "მარადიული მადლიერება აქვს დათესილი".

"ძვირფასო ბატონო ბიძინა, გულწრფელად გილოცავთ დაბადების დღეს. თქვენ თავად მეცნიერს, დიდი ამაგი გაქვთ ქართული მეცნიერების განვითარების საქმეში. მარადიული მადლიერება გაქვთ დათესილი ქართულ აკადემიებში. თავის მხრივ მეცნიერებათა ეროვნული აკადემია დიდად აფასებს თქვენ ღვაწლს ქართული სახელმწიფოებრიობის განმტკიცებაში, ადამიანთა კეთილდღეობისათვის ზრუნვაში. გისურვებთ ჯანმრთელობასა და მრავალჟამიერ სიცოცხლეს ჩვენი ქვეყნის და ჩვენი ხალხის საკეთილდღეოდ", — წერია მისალოც ტექსტში.

ბიძინა ივანიშვილს დაბადების დღე სამოქალაქო აქტივისტებმაც მიულოცეს. გაბედეს წევრებმა ქართული ოცნების თავმჯდომარეს "სინდისი" აჩუქეს, 20/30-იანელებმა კი რუსთაველის თეატრის წინ "ვარსკვლავი გაუხსნეს".

2006 წელს ბიძინა ივანიშვილს საქართველოს განათლების სამინისტროს სწავლულ ექსპერტთა საბჭომ ეკონომიკის, მეცნიერების, კულტურის, ხელოვნებისა და სულიერების აღორძინებაში განსაკუთრებული დამსახურებისათვის საპატიო დოქტორის წოდება მიანიჭა. მოძრაობა თავისუფლების ინსტიტუტი ითხოვდა, რომ ივანიშვილისთვის სამეცნიერო ხარისხი ჩამოერთმიათ. ორგანიზაციაში ამობდნენ, რომ დისერტაციაში არ იყო დაცული ციტირების წესი, არ ჰქონდა სქოლიო და წყაროების დამოწმა.