სოფელ ყარაჯალარში ტაქსის მძღოლის მკვლელობაზე ერთი პირი დააკავეს. ამის შესახებ ინფორმაციას შინაგან საქმეთა სამინისტრო ავრცელებს. მათივე ინფორმაციით დაკავებულია 23 წლის ახალგაზრდა, რომელიც წარსულში ძარცვისთვისაა ნასამართლევი.

უწყების ცნობით, შემთხვევა 17 თებერვალს მოხდა, რა დროსაც დაკავებულმა ტაქსის მძღოლს სხეულზე სასიკვდილო დაზიანებები მიაყენა, კვალის დაფარვის მიზნით, ცხედარი მოკლულის ავტომობილში მოათავსა და ცეცხლი წაუკიდა.

მომხდარზე გამოძიება სისხლის სამართლის 108-ე მუხლით დაიწყო, რაც განზრახ მკვლელობას გულისხმობს და სასჯელის სახით 7-დან 15 წლამდე თავისუფლებს აღკვეთას ითვალისწინებს.