ამ მომენტისთვის არსებული წინასწარი მონაცემებით, მეორე ტურის 50 ოლქიდან 48‑ში გაიმარჯვეს პირველი ტურის ლიდერებმა.

მხოლოდ 2 ოლქში გამარჯვებულად დაფიქსირდნენ ის კანდიდატები, ვინც პირველ ტურში მეორე ადგილზე იყვნენ გასულები.

36-ე ოლქში, მარნეულში, 1-ელ ტურში დამარცხებულმა ქართული ოცნების კანდიდატმა თამაზ ნავერიანმა მეორე ტურში გაიმარჯვა. მას პირველ ტურში 43% ჰქონდა და ნაციონალური მოძრაობის კანდიდატ აკმამედ იმამკულიევთან მარცხდებოდა.

მეორე ტურში აღნიშნულ ოლქში ამომრჩეველთა აქტივობა 10,81%-ით გაიზარდა.

44-ე ოლქში, ადიგენში 1-ელ ტურში ერთიანი ნაციონალური მოძრაობის კანდიდატი ვაჟა ჩიტაშვილი 44,07%-ით ლიდერობდა, თუმცა საბოლოო გამარჯვება მეორე ტურის შედეგებით ქართული ოცნების კანდიდატს გიორგი კოპაძეს ერგო, რომელმაც 30 ოქტომბრის არჩევნებზე ბოლო მონაცემებით 69,83% მიიღო.

აღნიშნულ ოლქში ამომრჩეველთა აქტივობა პირველი ტურის შემდეგ 5,48%-ით შემცირდა.

ცესკოს წინასწარი მონაცემებით, ქართულმა ოცნებამ საკონსტიტუციო უმრავლესობა მოიპოვა, ხოლო მეორე ტურში 50-დან 48 ოლქში ოცნების კანდიდატებმა გაიმარჯვეს.

იხილეთ 2016 წლის საპ

არლამენტო არჩევნების ვიზუალური შედეგები.