საქართველოს ახალგაზრდა იურისტთა ასოციაციამ 6 საათიდან 9 საათამდე პერიოდში იდენტიფიცირებულ დარღვევებზე განცხადება გაავრცელა. საია-ს თავმჯდომარის, ანა ნაცვლიშვილის ცნობით, დააფიქსირეს მარკირებაგავლილი ამომრჩევლის მიერ არჩევნებში მონაწილეობის 5 ფაქტი. აქედან 2 ქუთაისის 37-ე უბანზე, 3 კი მარნეულის 48-ე უბანზე.

საერთო ჯამში, არჩევნებზე საიას დამკვირვებლებმა დააფიქსირეს მარკირებაგავლილი ადამიანების არჩევნებში მონაწილების 70-მდე ფაქტი:

  • მთაწმინდის 24-ე უბანი- 3 ფაქტი;
  • მარნეულის 85-ე უბანი- 5 ფაქტი;
  • მარნეულის 7-ე უბანი- 1 ფაქტი;
  • რუსთავის 37-ე უბანი- 3 ფაქტი;
  • ქალაქ ზუგდიდის 9-ე უბანი- 1 ფაქტი;
  • მარნეულის 48-ე უბანი- 50მდე ფაქტი;

ანა ნაცვლიშვილმა აღნიშნა, რომ დაფიქსირდა ამომრჩევლის ნებაზე სავარაუდო კონტროლის ფაქტებიც. საერთო ჯამში, საია-ს დამკვირვებლებმა, ზემოაღნიშნულ პრობლემებზე დაწერეს 55 საჩივარი და 59 შენიშვნა.