1998 წლის ანიმაციური ფილმი, მულანი, რომელიც თავის მხრივ ჩინურ ლეგენდაზეა დაფუძნებული სულ მალე ფილმად ქცეული გამოვა ეკრანებზე. ისტორია გოგონაზე მოგვითხრობს, რომელიც ოჯახის გადასარჩენად თავს ბიჭად აჩვენებს და არმიაში ეწერება.

მულანის ფილმის ვერსია ნიკი კარომ გადაიღო. მისი სიტყვებით, ახალი ვერსია ორიგინალისგან განსხვავებული იქნება. ფილმში არც სიმღერები იქნება, არც მულანის შეყვარებული შანგი და ფანების გულის გასახეთქად, არც ყველასთვის საყვარელი წითელი დრაკონი მუშუ.

კაროს ფილმი ლეგენდაზე იქნება კონცენტრირებული, მაგრამ არც ორიგინალი ანიმაციის დავიწყებას აპირებენ. მაგალითად, რამდენიმე სცენა სრული სიზუსტით იქნება გაცოცხლებული და რამდენიმე ტრეილერში ორიგინალი სიმღერებიც კი გაისმა.

Super Bowl-ზე ფოლმის ფინალური ტრეილერი გამოვიდა, რაც იმას ნიშნავს, რომ ახალი კადრები ფილმის გამოსვლამდე არ იქნება და 25 მარტს უნდა დაველოდოთ.

მთავარი აქცენტი კვლავ საბრძოლო სცენებზეა გაკეთებული. ასევე უფრო მეტი დრო დაეთმო არმიაში წრთვნასა და ფიცს რომელიც მულანმა უნდა დადოს. როგორც ტრეილერში ჩანს, მულანი ფიცის ბოლო ნაწილს გამოტოვებს და არ ამბობს რომ ყოველთვის სიმართლეს იტყვის, რადგან არმიაში როგორც ბიჭი ისეა შეპარული.

საბოლოო ნაწილში, ფილმის მთავარი ბოროტმოქმედი გამოჩნდება — ჰუნების ლიდერი და ჯადოქარი ქსიან ლენგი. ის ყველაზე საშიშია, რადგან განსაკუთრებული ძალები ხელჩართულ ბრძოლაში დიდ უპირატესობას ანიჭებს.

ტრეილერი ნაწილობრივ იმედს გვაძლევს, რომ ფილმის გადამწყვეტი მომენტი მულანს და ქსიანს შორის დიდი ბრძოლა იქნება.

მართალია მულანის ბოლო ტრეილერმა ბევრი დეტალი გამოააშკარავა, მაგრამ ფილმის გამოსვლამდე ვერაფერში ვიქნებით დარწმუნებულები. შეგახსენებთ, რომ მულანის ადაპტაცია კინოთეატრებში 25 მარტს გავა.

ამავე თემაზე