ქალაქ უხანში კორონავირუსით ინფიცირებულებისთვის განკუთვნილი ერთ-ერთი საავადმყოფოს მშენებლობა დასრულდა. ამი შესახებ ინფორმაციას BBC ავრცელებს.

25 ათასი კვადრატული მეტრის მოცულობის საავადმყოფო უხანში 3 თებერვალს გაიხნება. უხანში ახალი საავადმყოფოს მშენებლობის პროცესი 24 იანვარს დაიწყო.

საავადმყოფოს მშენებლობის პროცესი პირდაპირი ეთერით გადაიცემოდა, რასაც თვალს ათეულობით მილიონი ადამიანი ადევნებდა.

ამ დროისთვის კორონავირუსის შეთხვევა 25 ქვეყანაშია დაფიქსირებული. ვირუსით გარდაცლილთა რიცხვი 300-ს აჭარბებს, დაავადებულთა კი — 14 ათასს.

მსოფლიოს რიგმა ქვეყნებმა ჩინეთიდან ჩამსვლელი მგზავრებისთვის საზღვრები ჩაკეტა. BBC-ის ცნობით, აშშ-სა და ავსტრალიის ოფიციალურმა პირებმა განაცხადეს, რომ უცხო ქვეყნის მოქალაქეს, რომელიც ბოლო პერიოდში ჩინეთში იყო, ქვეყანაში არ შეუშვებენ. მანამდე, მსგავსი აკრძალვა დააწესა რუსეთმა, იაპონიამ, პაკისტანმა და იტალიამ.

მსოფლიო ჯანდაცვის ორგანიზაცია მსგავსი ზომების წინააღმდეგია და აცხადებს, რომ მოგზაურობის აკრძალვას მეტი ზიანის მოტანა შეუძლია, ვიდრე სიკეთის. მათი თქმით, ეს დააზიანებს ეკონომიკას და გაართულებს ინფორმაციის გაზიარებას. WHO-ს რეკომენდაციაა, დაიწყოს სამედიცინო სკრინინგი სასაზღვრო გამშვებ პუნქტებში, რადგან ქვეყნებში არალეგალურად შესვლით, საზღვრების ჩაკეტვა დააჩქარებს ვირუსის გავრცელებას. მოგზაურობის აკრძალვა გააკრიტიკა ჩინეთმაც. საგარეო საქმეთა მინისტრის პრესსპიკერის, ჰუა ჩუნინგის თქმით, ეს ნამდვილად არ არის კეთილი ნების ჟესტი.

საქართველოში დაავადებათა კონტროლის ეროვნული ცენტის ხელმძღვანელი, ამირან გამყრელიძე ამბობს, რომ პანიკის საფუძველი არ არსებობს. მისი თქმით, საქართველო დაბალი რისკის ქვეყანაა და ამ ეტაპზე კორონავირუსით ინფიცირებული ადამიანის არცერთი შემთხვევა არ დაფიქსირებულა.0,,

ჯანდაცვის მსოფლიო ორგანიზაციამ კორონავირუსის გამო საერთაშორისო საგანგებო მდგომარეობა გამოაცხადა. ბრიფინგზე ორგანიზაციის წარმომადგენლებმა განაცხადეს, რომ ვირუსი კვლავ განაგრძობს გავრცელებას, საგანგებო რეჟიმის გამოცხადების მთავარ მიზეზად კი იმ ქვეყნების დაცვა დასახელდა, რომლებიც შეიძლება კორონავირუსთან გამკლავება თავად ვერ შეძლონ.

გაიგეთ მეტი: